Kama unapenda kujua ni mchanganyiko wa nini na nini tuwe wote 

Mahitaji:

Parachichi/Avocado

Nanasi/Pineapple

Korosho/Cashewnuts

Njia:

Mchanganyiko huu wala hauna kazi sana kuuandaa

Ukishakuwa na mahitaji yako tayari, Unachotakiwa kufanya

Kwanza kabisa safisha matunda yako vizuri kwa maji safi ya uvuguvugu

Ukishamaliza yaache yachuruzike maji

Baada ya hapo ondoa maganda ya matunda yako uliyoandaa

Ukishamaliza kumenya, katakata matunda yako katika vipande vidogo vidogo jinsi unavyopenda wewe mwenyewe

Baada ya hapo unaongezea na korosho kwa juu, saladi yako inakua tayari kwa kuliwa

Unaweza kuweka saladi yako kwenye friji ili ipoe kidogo

Sio lazima, kama unapenda maana si wote wanaopenda kula vya baridi

Pia sio lazima iwe parachichi na nanasi, unaweza pia kuongeza matunda mengine kadiri upendavyo

Una pishi lako ambalo ungependa kushare nasi ili wengine wajifunze kutoka kwako?

Nitumie email ya pishi lako uliloliandaa na mimi sitasita kuliweka hewani

kibuafashions@gmail.com

 Asante kwa kunitembelea

Karibu tena

***

Violet