Ya kitenge hiyo toka kwangu 

Bonyeza hapo chini kuona picha zaidi

Habari zenu wapendwa!

Mko poa?

Nyingine tena ya kitenge toka kwangu

Evening Kitenge Dress

Waweza tupia kivazi hichi kwenye mtoko wa jioni au kwenye sherehe kama kitchen party, send off au harusi

Bonyeza chini hapo kwa picha zaidi

Mahitaji: 
Nyama/Beef
Soya sauce
Tangawizi
Kitunguu saumu
Limao/ndimu(sio lazima)
Mafuta ya kupikia
Kitunguu maji
Nyanya
Hoho
Karoti
Chumvi

Njia:
Anza kwa kukatakata nyama, kisha isafishe vizuri. Kisha changanya nyama pamoja na tangawizi na kitunguu saumu ambavyo utakua umeviandaa kwa kuviponda au kuvichop. Ongezea na soya sauce kisha iache kwa muda wa kama dakika 30 mpaka 45. Hii itasaidia nyama kuiva haraka

Wakati unasubiria nyama iendelee kuchanganyika na viungo vizuri, tumia muda huo kuandaa mbogamboga zako ambazo zitaenda sambamba na pishi hili la rainbow beef

Baada ya mahitaji yako yote kuwa tayari, andaaa jiko lako utakalotumia kupikia pishi lako, angalia moto usiwe mkali kwan utasababisha chakula chako kutoiva vizuri

Weka sufuria yako jikoni, ikishapata moto weka mafuta ya kupikia kiasi

Mafuta yakishapata moto, weka nyama na ukoroge koroge mpaka itakapoiva

Nyama ikishaiva vizuri weka mbogamboga zako, anza na vitunguu maji, karoti, hoho kisha malizia na nyanya. Geuza kwa sekunde kadhaa mpaka uone mboga mboga zimechanyanyika vizuri na nyama. Kisha tia chumvi kwa ajili ya taste. 

Usiache mboga mboga zikaiva sana kwani hazitaleta maana ya jina la pishi hili. Kwa kuwa ni rainbow beef lazima mboga mboga zionekane vizuri na rangi zake. Pia katika mahitaji yako waweza kuongezea red pepper, yellow pepper, uyoga nk. kadiri ya mapenzi yako. mimi kwa leo nimetumia mahitaji haya unayoyaona kwenye picha

Baada ya hapo pishi lako linakua tayari kwa kuliwa.

Unaweza kuandaa na chakula chochote unachopenda, kama wali, tambi, macaroni, ugali, viazi nk.

Si vibaya kukawa na kinywaji pembeni kama juice au soda

Na hili ndio pishi letu la leo rainbow beef. Unaweza kuandaa wewe mwenyewe hapo nyumbani kwa kufuata njia hizi nilizozielezea

Una swali, maoni, ushauri?

Niandikie kibuafashions@gmail.com

***

Violet

 Habari wadau!

Hivi unajua kuwa unaweza kuwa mrembo kwa kutumia vitu vya asili tu?

Ndio inawezekana! Wengi wetu tumekariri kwamba, ili uwe mrembo na mwenye muonekano wa kuvutia machoni pa watu, basi ni lazima utumie vipodozi vya madukani, vyenye kemikali za kila aina. Tena vingine vina kemikali za sumu. Na vipodozi hivi vinauzwa kwa bei ghali kweli. Na wakati mwingine usipate hata yale matokeo uliyokuwa unategemea. Unakua umepoteza pesa na umezidi kuharibu muonekano wako wa asili.

Kwa nini uendelee kupoteza pesa na muda kwa vipodozi ambavyo havikupi matokeo stahili.

Wakati kuna vitu vya asili ambavyo vinaweza kukusaidia ukawa na muonekano mzuri, tena kwa gharama nafuu

Sasa leo nitawaeleza maajabu ya nazi katika urembo

Tumezoea kutumia nazi jikoni kwenye mapishi, lakini nazi pia inaweza ikatumika kama scrub kwa ngozi yako

Fuata hatua hizi hapa chini ili kufanya ngozi ya uso wako iwe laini, nyororo na kufanya uso wako kuwa na muonekano mzuri
Scrub hii unaweza pia kuitumia kwa mwili mzima, lakini kwa leo nitaelezea namna ya kuitumia kwa uso wako

 Weninge huwa wanachanganya nazi pamoja na asali, limao, tangawizi, nk. Hii ninayoielezea hapa haijachanganywa na kitu chochote kile. Ni nazi pekee

Nini cha kufanya:

* Andaa nazi yako kwa kuikuna vizuri. Ili upate matokeo mazuri jitahidi kuikuna taratibu ili itoke laini

* Safisha uso wako kwa maji safi na sabuni ya kawaida isiwe sabuni ya dawa(medicated soap)

*Kausha uso wako kwa taulo safi

*Baada ya uso wako kuwa mkavu, chukua ile nazi yako uliyokuna tayari, taratibu anza kusugua usoni kwa dadika kama 3 mpaka 5

*Ukishamaliza hapo, utakaa hivyo bila kuuosha uso wako kwa muda wa dakika 15 mpaka 20

*Baada ya muda huo, utaosha uso wako kwa sabuni ya kawaida

*Kausha uso wako kwa taulo safi, kisha paka losheni yako unayotumia siku zote

Ili kupata matokeo mazuri fanya hivi kwa muda wa siku 5 mfululizo bila kuacha, yani mara 1 kwa siku. Amini nakuambia utapata matokeo mazuri

Ni hayo tu niliyowaandalia siku ya leo wapendwa wangu

Kama una swali, maoni au ushauri

Niandikie kibuafashions@gmail.com

Pia kama una chochote kizuri cha kushare nasi, usisite kuniandikia

Uwe na siku njema mdau

***

Violet

 Mahitaji:

Mchele

Choroko

Tui la nazi

Chumvi

Maji

Njia:

Chambua mchele kwa kutoa taka taka zote kisha uoshe vizuri ikiwezekana pembua ili kuondoa mawe kama mchele wako utakua na mawe

Chambua choroko na kisha zioshe vizuri na zichemshe kidogo, zisiive sana kwani zitalainika wakati unapoendelea kupika wali. Kwahiyo uwe makini hapa choroko zisiive

Kuna nazi yako uliyoiandaa

Pasha maji yawe ya uvuguvugu kidogo kwa ajili ya kuandalia tui. Ukitumia maji baridi tui halitoki vizuri, tui la kwanza(tui bubu) liweke pembeni kwani litatumika baadae kadiri unavyoendelea kupika

Endelea kuchuja tui la pili au na la tatu mpaka upate kiasi cha tui linalohitajika kwa pishi lako

 Baada ya kuandaa tui lako tayari, weka kwenye sufuria ambayo utatumia kupikia pishi lako

Ongezea na choroko humohumo kwenye tui la nazi

Koroga koroga tui ili lisikatike

Baada ya tui kuchemka, ongezea chumvi na mchele. Koroga kidogo kisha funika ili wali wako uendelee kuiva taratibu

Angalia moto usiwe mkali, uwe wa wastani ili chakula chako kisiungue

Baada ya muda maji yatakua yamekaukia kwenye chakula chako, chukua lile tui bubu ulilokamua mwanzo, ongezea kwenye chakula chako kisha funika

Baada ya dakika kadhaa angalia chakula chako kama maji yatakua yamekaukia geuza chakula chako kisha funika tena

Kisha hapo utakua unageuza geuza chakula chako mpaka uhakikishe kimeiva

 Chakula chako kikiiva kitakua na muonekano huu

Hapo kitakua tayari kwa kuliwa

Unaweza kuandaa na mchuzi wa kusindikizia chakula chako, kama mchuzi wa nyama, samaki, salad au ukiamua mbogamboga za majani yote sawa. 

Lakini pia unaweza kula hivihivi kwa kuwa hapo tayari ni wali na mboga

Pia unaweza ukaandaa na kinywaji chochote

Una swali, maoni, ushauri?

Au una pishi ungependa kushare nasi

Niandikie kibuafashions@gmail.com

***

Violet